Actualités

Partagé sur :
• facebook

Naneho ny alahelony amin’ny fisamborana nataon’ny mpitandro ny filaminana tamin’ny fomba feno habibiana sy tsy misy fanajana ny zo maha olona ny Sekretera jeneralin’ny antoko Avotra ho an’ny Firenena, Laza Razafiarison sady kandida filoham-pirenena ny ankamaroan’ny vahoaka ao amin’ny Faritra Amoron’i Mania izay efa leo izao fitondrana tetezamita izao.

Anisan’ireny Atoa Andriasy Ramanantoanina izay nitafa tamin’ny mpanao gazety tao Ambositra omaly alakamisy 25 jolay fotoana mbola nitazonana vonjimaika ity kandida voasambotra ity. Olo-manankaja sy tsy nahavita heloka teto amin’ny firenena ary lehilahy vonona hanavotra ny firenena izay efa difotry ny krizy no sahin’izao fitondrana izao samborina sy hampidirina am-ponja vokatry ny fitakiana nataony, hoy Atoa Andriasy Ramanantoanina ka mitaky ny tenany ny hamotsoran’ny fitsarana mahefa azy madiodio amin’izao raharaha izao. Maro mpahafantatra any Amoron’i Mania ity kandida filoham-pirenena ity satria sahy mijoro amin’ny fahamarinana no mitsinjo ny tombontsoam-bahoaka. Miantso ny mpitandro ny filaminana mba tsy hanao fihetsika toy ireny ihany koa i Andriasy Ramanantoanina satria ny asan-dahalo sy Remenabila ve rehefa tsy voafehy dia olona maneho hevitra hampisy fandrosoana ny vahoaka Malagasy indray no ampijaliana sy ampahoriana toy ireny ? Anjaran’ny tsirairay no misaintsaina izay.

Tia Tanindrazana

Samia mijoro ho an'i Gasikara.