Actualités

Andrianambinina Eddie Ny tetikasa �Bas Mangoky� izao no mahamaika

Actualités
Zoma 06 Mey 2011

Mbola anisan’ireo mpanao politika mpikambana ao amin’ny Kongresin’ny tetezamita tsy mety hiresaka politika be loatra i Andrianambinina Eddie avy any Morombe any amin’iny Faritra Atsimo Andrefan’i Madagasikara iny. “Ny sosialin’ny mponina no mahamaika izao. Ny andrasan’ny mponina any aminay dia ny fanatanterahana ilay tetikasa «Bas Mangoky» any Ambahikily Tanandava Angazary izay efa nahazoana vola avy amin’ny Banky afrikanina momba ny fampandrosoana na BAD fa ny fandraisan’anjaran’ny Fanjakana Malagasy sisa andrasana”, hoy izy. “Heverinay fa ho anisan’ny hodinihina ao amin’izao fivoriana ara-potoanan’ny antenimiera mpanao lalàna roa tonta izao ny mikasika ny volavolan-tetibola fanitsiana ahazoana izany. Eto izahay hanohana izany amin’ny lafiny rehetra fa izay no andrasan’ny mponina any Morombe aminay solontenan’ny vahoaka itony”.

Manohy

SARY : Andrianambinina Eddie