Actualités

Andrainarivo Kitapo mainty nahiana ho baomba

Actualités
Zoma 04 Aprily 2014

Nisy nametraka kitapo teo ambany fiara mijanona amoron-dalana manolotra ny trano fonenan’ny jeneraly Ramakavelo eny Andrainarivo, amin’ny lalana mihazo ny hotely panorama, omaly tolakandro. Sendra niala minitra vitsy teo amin’ny fiara ny tompony no taitra rehefa niverina raha nahita ilay kitapo mainty teo ambany fiarany, izay nampiahiahy azy. Niantso ny hery vojitaitran’ny polisy avy hatrany izy, dia ireo indray no nampandre ny Emmo-Reg ary ireto farany no niantso manampahaizana momba ny baomba. Nobataina ilay kitapo dia nakisaka ilay fiara. Tsy nahitana zavatra mampiahiahy ilay kitapo rehefa nosavaina. Fantatra fa mpiandry no tompony, nisy nangalatra tany ho any izy io, dia napetrak’ireo jiolahy teo rehefa azony izay nilainy.