Actualités

Andohatapenaka Maty notsatohan'ilay lehilahy antsy ny rafilahiny

Actualités
Alakamisy 12 Mey 2022

Zava-doza no nitranga tao Andohatapenaka. Nantsoina tovovavy iray ilay sakaizany taloha ary nilaza izy fa vonoin'ilay lehilahy miaraka aminy amin'izao ka mila vonjy.

Tonga tany an-tranon'ilay tovovavy tokoa ity sakaizany taloha ary nifankahita tao izy roalahy mpirafy. Raikitra ny ady nandritra izany ka notsindronin'ilay lehilahy niaraka tamin'ilay vehivavy tamin'ny antsy teo akaikin'ny fony ilay lehilahy sakaizan'ilay vehivavy taloha. Naratra mafy ilay lehilahy voatsindron'ny antsy ka ny Polisy tonga teny an-toerana no nitondra azy teny amin'ny hopitaly saingy tsy tana intsony ny ainy .Ilay lehilahy nanindrona antsy kosa nandositra saingy tratra teny Andohatapenaka ora vitsy taorian'ilay ady . Nosamborina moa ilay lehilahy nanindrona antsy sy ilay vehivavy ary samy natolotra ny fampanoavana ka naiditra am-ponja vonjimaika.

Pati