Actualités

Andohalo Novoriana tampoka ireo �Chef de corps�

Actualités
Talata 03 Mey 2011

Tsy fantatra izay zava-mitranga fa tsikaritra omaly maraina ny fampiantsoana tampoka ny “Chef de corps” rehetra eto an-drenivohitra sy ny tompon’andraikitra sasantsasany amin’ny toby miaramila rehetra. Araka ny tsiliantsofina dia betsaka no efa leon’ny zava-misy amin’izao fotoana izao ny manamboninahitra miaramila. Na ireo mitana toerana aza dia misy ireo maneho hevitra amin’ireo namany.

Ny Cemgam no namory ireto tompon’andraikitra ireto. Tsy izay ihany fa na ny vatamiaramila aza dia malahelo mafy satria mijaly ny vady aman-janak’izy ireo. Sahirana ny fianakaviana miaramila amin’izao fotoana izao, araka ny loharanom-baovao. Manampy trotraka ny fahasahiranana amin’izao fotoana izao ny tsy fitoviam-pijery eo amin’ny samy tompon’andraikitra. Ny eny Andohalo somary mangatsiaka raha ny eny Ampahibe no resahina. Ny eny Mahazoarivo tsy dia marisika loatra amin’ny fifandraisana amin’ny eny Andohalo. Manoloana izany rehetra izany dia miandry izay mitarika ny Cemgam na hoentina aiza ny miaramila na ho aiza. Ho hita eo ny tohiny.

Rakoto Maxime