Actualités

Andingadingana Ambatondrazaka Nesorina ilay zaza ary nariana tany an-davapiringa

Actualités
Alarobia 09 Novambra 2022

Zazarano tombanana ho enim-bolana an-kibo eo ho eo no nisy nanary tao anaty lavapiringa tao Andingadingana Ambatondrazaka ny marainan’ny alahady 06 novambra lasa teo.

Raha araka ny fantatra dia ny Renin’io zaza io no tsikaritry ny manodidina nanao izany fihetsika mamoafady izany. Narahina porofo izany ka hita fa tsy nisy kibo intsony tokoa izy ary enim-bolana teo ho eo ihany koa ilay zaza nalany. Araka ny nambaran'ny lehiben'ny fokontany ao Andingadingana moa dia vokatry ny fandosirana adidy nataon'ilay rain-jaza no antony nanosika ity vehivavy ity hanala ilay menaky ny ainy tahaka izao ary nanary azy tany an-davapiringa. Vokatry ny vaikan’ilay fanalan-jaza anefa dia voatery naiditra hopitaly ity vehivavy ity manaraka fitsaboana. Hohadihadiana eny anivon’ny manampahefana kosa izy aorian’izany amin’ny maha-ain’olona ilay zaza tao am-bohoka nalany.
Nangonin’i Pati