Actualités

Ampitatafika Nahitana fatin-dehilahy azon’ny harato fakana trondro

Actualités
Zoma 30 Septambra 2022

Nitrangana toe-javatra mampalahelo omaly maraian teny Anjanamaitso Ampitatafika. Tovolahy iray manodidina ny 20 taona eo ho eo no hita faty tao anaty rano rehefa voasariky ny haraton’olona fakana trondro.

Raha araka ny fanazavana azo dia tena navesatra tokoa, antony nanosika ilay mpanjono nitady namana hafa nisintona azy kinanjo razana no hita tao. Mbola nisy finday iray sy kahie iray tao anatin'ny kitapon’ity tovolahy ity, antony nanosika ny rehetra hieritreritra fa mbola mpianatra izy. Na izany aza anefa dia tsy nahitana taratasy momba azy kosa tany aminy. Raha araka fantatra hatrany moa dia tombanana ho afak’omaly alina ity tovolahy ity no nisy nanary tao anaty rano taorian’ny zava-nitranga mety nahazo azy. Teo akaikin'ny fiampitana lakana moa no nahitana ny razana ary mbola tsy fantatra ireo havany hatramin’ny fotoana nanoratanay omaly hariva.
Pati
Legende : Efa nikainkona tahaka izao ilay razana