Actualités

Ambositra Nirehitra ny foiben�ny Jirama

Actualités
Zoma 08 Martsa 2013

Miaina anaty haizina ny tan�nan�Ambositra.

Nirehitra ny foiben’ny Jirama ao Manolotrony, mpamokatra herinaratra mamatsy ny tanànan’Ambositra sy ny manodidina. Omaly alakamisy tokony ho tamin’ny valo ora sy sasany alina tany no tsikaritr’ireo mpiasa efa-dahy, mpiandry raharaha sy ny mpiambina ny afo, izay vetivety foana dia nitatra. Mandeha amin’ny gazoala rahateo ny milina mpamokatra herinaratra ao an-drenivohitry ny Faritra Amoron’i Mania. Nananosarotra ny nifehezana ny afo, tsy manam-pitaovana rahateo sampana mpamonjy voina ao an-toerana, ka dia rano taomina amin’ny siny, niampy ireny “extincteur” ireny no nanaovana tanamaro namonoana ny afo. Misokatra ny fanadihadiana amin’ny anton’ity fahamaizana ity.

Nangonin’i Jean D.