Actualités

AmbondronA Hanolotra ny tsara indrindra

Actualités
Alahady 06 Aprily 2014

Fanamby be vata no apetraky ny tarika AmbondronA ho amin�ny fanolorana ny raitra indrindra ho amin�ny seho goavana, hatao rahampitso alahady 06 aprily tolakandro, etsy amin�ny Coliseum Antsonjombe.

Ankoatra ny fampiaraham-peon’AmbondronA amin’ireo mpahay feo lafika matihanina maromaro dia hisy ihany koa ny fandraisan’anjaran’ireo mpitendry zavamaneno hafa ivelan’ny tarika izay samy handoko ho amin’ny endrika kanto sy vaovao ireo vazon’AmbondronA. Ireo rehetra ireo hiampy ny fanamafisam-peo matanjaka sady hamoaka kalitaom-peo raitra laroin’ny hazavana voarindra sy sehatra voaravaka dia efa midika fa ho raitra tokoa ny seho «Eto amin’ny tanàna» iarahana amin’ny tarika AmbondronA eny an-toerana. Hianjaika ny kanto ary hisalotra ny meva, tokoa, araka izany, ny rehetra ho avy hanjifa ny fampisehoana. Efa vonona tanteraka rahateo ny tarika sy ireo mpiketrika ity seho goavana iy.