Actualités

Ambohitsorohitra Vaky ny ady eo amin�ny kolonely roa

Actualités
Alarobia 25 Mey 2011

Ady mangatsiaka hatramin’izay ary efa tsy misy tsy mahalala izany tsy fifankahazoana eo anivon’ny kolonely iray miaramila sy kolonely iray zandary ny rehetra izay miasa ao Ambohitsorohitra. Tato ho ato anefa dia nihamafy izany ary niafara tamin’ny fandotoana an-kolaka ny iray tamin’ny haino aman-jery aza. Tonga hatramin’ny hoe ahiana ho ao ambadiky ny fanomezana basy ny sivily mba handroba ny resaka. Zava-nisy izay nolavin’ilay kolonely faharoa marin-drano izany ary nolazainy fa fandotoana azy fotsiny. Inona no tena fototry ny ady ? Halako bika sy tsy tiako tarehy ve sa kosa noho ny iray miaramila sy ilay faharoa zandary ka lasa mifankahala nony farany satria samy akaiky ny lohany ?

Raha ny feo mandeha dia io farany no mety akaikaiky kokoa ny zava-misy. Olona teo anivon’Ambohitsorohitra ihany no nahafantarana fa efa saika hifampikasi-tanana mihitsy izy roa lahy ireo. Ny zava-mitranga dia toa mifampiandriandry ireto manamboninahitra roa ireto. Ny tena hatahorana dia samy manana ny ekipany izy ireo amin’ny maha miaramila sy zandary azy. Raha mitohy ny ady mangatsiaka dia heverina fa mety hisy fiantraikany amin’ny olona entiny izany.

r.d