Actualités

Ambohitromby Alasora Tsy fantatry ny kaominina ny fisian’ilay tany nahafaty olona

Actualités
Alarobia 20 Jolay 2022

Olona roalahy fantatra fa mpikarama mpanarina tany samy avy lavitra no maty nihotsahan'ny tany teny Mandrangobato, fokontany Ambohitromby, kaominina Alasora afak’ omaly Alatsinainy hariva.

Olona sendra nahatazana azy ireo no nahatsikaritra fa tsy hita tampoka izy ireo ka nampandre ireo tompon’andraikitra isan-tsokajiny. Tonga teny an-toerana nijery ny zava-misy avy eo amin'ny CSB2 Alasora ary nandefa ny razana teny amin'ny tranom-paty HJRA Ampefiloha avy hatrany taorian’ny nisokirana ny vatana mangatsiakan’izy ireo. Marihina moa fa vao 24 taona monja ny iray amin’izy ireo. Fenosoa Jean Dayan Pierrot no anarany nipetraka tao Ankazobe, kaominina ambanivohitra Ambohimanga Rova ary efa mpandravona tany no asany. Mbola tsy ampy taona kosa satria vao 16 taona monja ny iray zanak'i Rakotomandimby Jean Claude sy Ravoniarivo Justine, ary mpandravona tany ihany. Raha araka ny fantatra moa dia tsy nanatona ny kaominina izy ireo talohan’ny nanatanterahany ny asany na dia hakana torohevitra sy fanampiana ihany aza hisorohana ny loza mety hitranga tahaka izao.
Nangonin’i Pati
Legende : Nandritra ny fakana ny vatana mangatsiakan’izy roalahy