Actualités

Ambohimanga Atsimo Taolam-paty 101 saron�ny zandary

Actualités
Zoma 28 Martsa 2014

Nahazo vahana indray tato ho ato ny halatra taolam-paty any amin�ny Distrikan�Ifanadiana, faritra Vatovavy FitoVinany ary voazimbazimba ny fasana sy ny fomban-tany.

Tany Ambohimanga Atsimo dia taolam-paty miisa 101 saron’ny zandary taorian’ny vaky fasana nitranga ny tapaky ny volana febroary 2014 lasa teo izay nahaverezana taolam-paty maro, araka ny loharanom-baovao avy any an-toerana. Olona telo nahiahiana ho tompon’antoka amin’ity raharaha mamohehatra ity nanondro ny namany telo hafa mpiray petsapetsa amin’izy ireo izay vehivavy ny iray tamin’ny famotorana natao azy.

Teo ihany koa no nahafantarana fa any amin’ny Distrikan’Ambositra no hivarotan’izy ireo ny taolam-paty. Marihina fa ankoatra ity halatra taolam-paty ity dia mirongatra ihany koa ny fiparitahan’ny vola sandoka any amin’ity Distrika ity. Farany teo, vola sandoka mitentina 410 000Ar no saron’ny mpitandro filaminana tao Ranomafana.