Actualités

Ambavahaditokana Atsimondrano Nangonina natao baolina lehibe ireo sachet plastika

Actualités
Zoma 15 Jolay 2022

Mandray anjara feno amin’ny fiarovana ny tontolo iainana ny kaominina Ambavahaditokana, distrikan’Antananarivo Atsimondrano.

Nentanina nasaina nanangona ireo sachet plastika miparitaka manerana ireo Fokontany miisa 6 ny ankizy madinika rehetra manerana ny kaominina ka izay nahavita baolina sachet lehibe indrindra no nahazo ny amboara. Kolo-KITRA no anarana nampitondraina io hetsika io. Nomena andro maromaro ny ankizilahy kely nandrafitra izany ka ny Fokontany Loharanombato no nibata ny amboara. Nambaran’ny Ben’ny tanana Ratoetrarinanja Jean Louis moa fa izany no natao dia ho fiarovana ny tontolo iainana manoloana ireo sachet plastika izay tsy mety levona raha tsy 30 taona any ho any raha sanatria tafiditra any anaty tany fambolena raha voakasika ihany koa ny resaka fanadiovan-tanana amin’ny ankapobeny. Tao anatin’ny hafaliana tanteraka no nandrafetan’ireo kilonga madinika izany baolina sachet plastika izany.
Pati