Actualités

Ambatondrazaka Rangahy mpanao trano nanolana zaza 6 taona

Actualités
Zoma 08 Janoary 2021

Zazavavikely vao 06 taona monja no fantatra fa tratry ny fanolanana nataona

rangahy iray 50 taona ny 05 janoary lasa teo tao Antanifotsy Ambatondrazaka, Faritra Alaotra-Mangoro. Sendra tsy teo ny renin'ity zaza tsy manan-tsiny ity izay antsoina hoe : Sandafitia no nararaotra nanao ny filan-dratsiny taminy ilay rangahy mpanao taon-trano (maçon. "Dadan'i Bam" no fiantso ity farany izay manao trano mifanila amin’izy ireo. Rahefa tonga ilay Renim-pianakaviana dia nahatsikaritra rà mikoriana tamin'ilay zaza ka nitory teny amin'ny zandarimaria avy hatrany.Araka ny famotorana fohy dia notondroin'ity zaza voaolana ity tsy tamim-pihambahambàna ilay rangahy izay nanolana azy. Mitohy ny famotorana saingy mbola raiki-tahotra ilay zaza izay nampitahorin'ilay rangahy fa ho vonoiny raha milaza na mitantara ny fisehoan-javatra. Efa manaraka fitsaboana sahaza azy ao amin'ny CSBII Ambohimasina moa i Sandafitia kely amin’izao. Tsiahivina moa fa mety hampigadra asa an-terivozona mandrapahafaty ny fanolanan-jaza.

Pati