Actualités

Alain Ramaroson Tokony ho natao makotroka ny fankalazana ny 29 martsa

Actualités
Alatsinainy 31 Martsa 2014

Tonga nametraka fehezam-boninkazo ho fahatsiarovana ireo Mahery fo teny Ambohijato Atoa Alain Ramaroson ny 29 martsa teo.

Nambarany fa tena malemilemy mihitsy ny fikarakarana ity fahatsiarovana ity. Tokony ho natao makotrokotroka, hoy izy, mba hampisongadinana ireo Mahery fo satria dia an’aliny no namoy ny ainy tamin’izany ady tamin’ny mpanjanaka izany ary ankehitriny dia mbola ny Frantsy ihany no mitady hanjaka eto Madagasikara. Raha ny toe-draharaha eto amin’ny firenena indray dia nanambara izy fa tsy mitsahatra ny manara-maso fa misy ny fotoana itenenany.