Actualités

Airbus �ELATRA� Saika tsy tafapetraka tao Roissy Charles de Gaulle

Actualités
Alatsinainy 23 Aprily 2012

Nanana olana indray ilay Airbus A340-300 “ELATRA” omaly maraina nandritra ny fidinana hipetraka teo amin’ny seranam-piaramanidina iraisam-pirenena ao Roissy, Parisy. Nisy feon-javamaneno fanairana na «alarme» manambara fa tsy nivoaka araka ny tokony ho izy ny «train d’atterissage». Vokany, voatery nanohy ny sidiny nanodidina an’i Parisy ilay fiaramanidina, nialoha ny namoahana ilay “train” nikatso. Azo an-tsaina ny tebitebin’ny mpandeha tao anatiny vokatr’io tranga io. Olana teknika mpiseho ny toy io, saingy matetika loatra ny tsy fahatomombanana raha ho an’ity Airbus A340-300 “ELATRA” mitondra ny lokon’ny Air Madagascar ity, satria fanindroany izao tato anatin’ny herinandro.

Nangonin’i Jean D.