Actualités

Ady totohondry tany Toamasina Maty vokatry ny dona mafy ilay mpikatroka

Actualités
Alarobia 08 Jona 2022

Lehilahy iray antsoina hoe Marolahy Christian mpanao ady totohondry avy amin'ny klioba FITAMI ao Toamasina no namoy ny ainy taorian’ny ady nataony ny alatsinain’ny paska 06 jona lasa teo.

Voadona mafy izy nandritry ny ady nataony farany tao amin’ny CRJS Toamasina ary nianjera, raha ny ambangovangon’ny fanazavana ny zava-nitranga. Nentina tany amin'ny Hopitaly ihany fotoana vitsy taorian'izay saingy tsy tana intsony ny ainy. Heverina fa nahery vaika ny dona, ary ahiana ho ny loha no voa mafy, ka nitarika ny fahafatesana.Nisy ihany koa ve ny fizahana ara-pahasalamana mialoha ny lalao. Andrasana izay fanazavana ofisialy avy amin’ny federasionin’ny ady totohondry. Mirary fiononana feno ho an’ny fianankavian’ny namoy ny ainy isika eto amin’ny Tia Tanindrazana.
Toky R