Actualités

Ady tany eny Andoharanofotsy Voatonotonona i Alain Andriamiseza

Actualités
Talata 15 Jona 2021

Misy ny fifanolanana ara-tany eo amin’Atoa Alain Andriamiseza Minisitra teo aloha sy ireo olona mipetraka eo amin’ny tany

izay hiadian’ny andaniny sy ny ankilany. Samy manana ny heveriny fa marina sy rariny avy ny andaniny sy ny ankilany, ary samy maneho ho porofo amin’ny maha azy ny tany. Omaly tonga teny Andoharanofotsy niaraka tamin’ny mpitandro filaminana, nandroaka ireo olona teo amin'ny trano sy ny tany Atoa Alain Andriamiseza, ka nanaiky tsy fidiny hiala aloha ireo ankilany nanoloana ny firodorodon'ny mpitandro filaminana, raha ny vaovao azo avy eny an-toerana. Nitondra “titre” rahateo Atoa Alain Andriamiseza nentiny nanehoana ny maha ara-dalàna ny maha azy ny fananana. Voalaza ihany koa anefa etsy ankilany, fa mbola mandeha eny amin’ny fitsarana ity raharaha ity. Gaga sy talanjona ihany koa ireo olona monina eo amin’ilay tany izay manana “Titre Original”, hoe fa nivoaka avy aiza ny “titre” naseho azy ireo omaly ka nanamafisana ny fandroahana azy ireo. Tsy nahazo fampiantsoana na fampahafantarana ireto olona ireto hoe atao ny fitsarana momba ilay tany. Andrasana ny ho tohiny.

Tevez