Actualités

ADY AMIN’NY HOSOKA SY NY PIRATY Nanova paikady ny ministeran’ny serasera

Actualités
Alarobia 10 Aogositra 2022

Mirongatra sy mahazo vahana ny hosoka sy ny fanaovana piraty eto amintsika. Ankoatra ny kapila mangirana izay nisasaran’ireo mpanankato mpamoron-kira sy mpilalao sary mihetsika ary nandaniany vola fatratra dia efa maro

mpandika ihany koa ny boky amin’izao na an-tsary na an-tsoratra. Eo koa ny fakana ny hira amin’ny alalan’ireo fitaovana nomerika….Mba hahafahana miady amin’ireny ary dia fantatra fa hanova paikady ny Ministeran’ny serasera sy ny kolontsaina tarihin-dRtoa ministra Lalatiana Andriatongarivo. Raha fandehanana mivantana eny amin’ireo mpivarotra kapila mangirana… no natao hatramin’izay dia zavatra hafa mihitsy no hitranga manomboka izao izay hijanona ho tsiambarantelon’izy ireo ihany. Amin’ny alalan’ny borigady miady amin’ny hosoka na ny BAP no hanatanterahan’izy ireo izany izay hihatra tsy ho ela. Tanjona ny hahafahana mamongotra hatramin’ny fakany ireo mivelona amin’ny fanaovana piraty sy hosoka eto amintsika.
Nangonin’i Pati
Legende : Hiova ny paikady amin’ny fanenjehana ireo mpanao kapila mangirana hosoka.