Politique

Zafilahy Stanislas Ny miaramila no iandronan�ny rihitra

Politique
Alatsinainy 30 Aogositra 2010

Fitsaran’olombelona ihany ireny teny Anosy ireny, hoy ny depiote Zafilahy Stanilas raha nandray fitenenana tetsy amin’ny Magro Behoririka izy ny sabotsy lasa teo. “Tsy adala anefa ny vahoaka, tsy hilefitra ny voampanga”, hoy ihany izy. Zava-doza ny eto amintsika, hoy ity olomboafidin’i Vavatenina ity satria fitsarana mitanila ary mahamenatra ihany koa satria hitan’izao tontolo izao fa mampihomehy. “Fandresena ho antsika iny didim-pitsarana iny ary tsy mampihetsi-bolomaso ny filoha Ravalomanana”. Vao mainka ireny mampiray ny Ankolafy Telo. Nivadika ny rasa, hoy izy. Lasa azo atao ankehitriny ny mitondra vahoaka manafika lapam-panjakana. Ailika any amin’ireo miaramila ihany koa ny zavatra tsy mety rehetra, toy ny raharaha andramena izay nailika tamin’ny “Task Force”, ny ministry ny fitsarana FAT tany Genève nanitrikitrika fa ny miaramila no nitifitra fa ny FAT tsy nanome baiko. Manoloana ireo moa dia niantso ny tafika i Zafilahy Stanislas ny amin’ny tokony hitadreman’ny foloalindahy satria tsy maintsy hailika any amin’izy ireo ny tsy mety rehetra.

Nangonin’i Soa