Politique

Vovonan�ny fikambanan�ny mpiaramonim-pirenena �Tsy izay mety amin�ny mpitondra akory no atao eto�

Politique
Alatsinainy 13 Septambra 2010

Tafatsangana ny vovonan�ny fikambanan�ny mpiaramonim-pirenena izay ahitana ny Una�Civil sy ny CRS-AN tarihin-dRtoa Blanche Nirina Richard.

Efa am-polony taona moa no nisy ny Una –civil saingy izao vao nametraka ho ara-dalàna ny fitsanganany raha ny fanazavan’Atoa Ramaroson André. Mijoro hamerina amin’ny laoniny ny fiarahamonim-pirenena ity farany izay mahatsapa fa tsy mijanona amin’ny maha elanelam-pahefana sy tsindrilentam-pahefana ny namany sasany fa manana fiadiana manoloana izao krizy politika izao. Manoloana ny raharaham-pirenena indrindra dia mahatsikaritra ity vovonana ity fa toa mitady hivaona ny FAT amin’ny alalan’ny fametrahan’i Andry Rajoelina volavolan-dalàmpanorenana hodinihana mandritra ny fikaonandoham-pirenena. “Samy nanova ny lalàmpanorenana araka izay mifanandrify amin’ny tombontsoany ireo filoha taloha ka aoka amin’izay mba tena hisy fiovana tokoa amin’ny fananganana ny Repoblika faha-4. Tsy izay mety amin’ny mpitondra akory no atao eto amin’ny firenena”, hoy hatrany Ramaroson André. Handray anjara amin’ny fikaonandoham-pirenena moa ny vovonan’ny fikambanan’ny mpiaramonim-pirenena izay hiezaka handresy lahatra ny mpizaika momba ny fehin-keviny dia ny fankatoavana sy ny fanatontosan’ny fanjakana ny Dina Velirano sosialy sy ny Dina repoblikana ho an’ny mpanao politika.

Yves