Politique

Vondrona Afrikanina Tsy hanara-maso ny fifidianana

Politique
Zoma 12 Novambra 2010

Hatreto aloha dia mbola mikiry mafy hanao fitsapan-kevi-bahoaka ny 17 novambra sy ny fifidianana ben�ny tan�na ny 20 desambra ny FAT.

Na dia izao tontolo izao aza no efa manameloka ary tsy mankasitraka ny amin’ny hirosoan’i Madagasikara amin’ireo karazam-pifidianana rehetra dia mbola miezaka mafy ho amin’izany ireo mpitondra nisora-tena. Fantatra fa ny 22 oktobra lasa teo dia nandefa taratasy tany amin’ny vaomieran’ny Vondrona Afrikanina ny masoivohon’i Madagasikara ao Addis Abeba, hanasa ny Vondrona hanara-maso ireo fifidianana roa kasaina hatao eto amintsika. Mitondra ny laharana 2010-309/ARM/ETH/POL izany taratasy fanasana izany. Nilaza kosa moa ny Vondrona Afrikanina fa tsy afaka hanatrika sy hanara-maso ireo fifidianana ireo satria, araka ny lalàna mifehy ny Vondrona Afrikanina dia izay fifidianana ho filoham-pirenena sy solombavambahoaka ihany no atrehiny. Ny Vondrona Afrikanina rahateo moa dia anisan’ireo mitsipaka ny hanatanterahana ireo karazam-pifidianana ireo satria mbola hevitr’ankolafy tokana fa tsy vahaolana iombonana sy tenieranan’ny ankolafy rehetra, izany hoe tsy ahafahana mamoaka an’i Madagasikara amin’izao krizy izao.

Nangonin’i Soa