Politique

Volavolan-dal�mpanorenana Miketrika mafy ny TGV

Politique
Alarobia 19 Mey 2010

Efa am-perinasa tato anatin’ny andro vitsivitsy izao ny komity manokana eo anivon’ny fiadidiana ny Fahefana Avon’ny Tetezamita amin’ny fandinihana izay ho firafitry ny lalàmpanorenan’ny Repoblika faha-4 ary haroso hitsapana ny hevi-bahoaka ny 12 aogositra. Mpanolotsaina sy teknisianina izay miara-miasa akaiky amin’i Andry Rajoelina no ao anatin’izany komity manokana izany. Araka ny tsiliantsofina re dia ny mpikambana sasany ao anatin’ity komity ity no ampidirina ao anatin’ilay «Comité Consultatif Constitutionnel», izay nambara fa haka ny hevitr’ireo hery velona rehetra eto amin’ny firenena amin’ny famolavolana ny lalàmpanorenana vaovao. Tsy vao izao moa, fa efa hatramin’ny fiandohan’ny taona 2009 no efa nikononkonona ity lalàmpanorenana vaovao ity ny ekipan’i Andry Rajoelina, na dia tsy mbola tafakatra teo amin’ny fitondrana aza. Araka ny tsiliantsofina re dia efa ny volana janoary 2009 dia efa nikaroka olona hamolavola ity lalàmpanorenana ity izy ireo. Etsy ankilany dia mikaon-doha hatry ny omaly ao amin’ny hotely Louvre ny lohandohan’ny mpisorona ao amin’ny TGV, fikambanana politika naorin’i Andry Rajoelina, miketrika lalàmpanorenana. Ny azy ireo ve no hakana fankatoavana mandritra ny dinika nasionaly hatao eny Ivato ny 27, 28 ary 29 mey ho avy izao?

RTT