Politique

Toliara Niditra birao Dr Hatimo Fiacre, Ben�ny tan�na

Politique
Talata 29 Jona 2010

Araka ny vaovao dia niditra tao amin’ny biraon’ny kaominina Toliara renivohitra ny Ben’ny tanàna voafidim-bahoaka ao an-toerana, ny dokotera Hatimo Fiacre. Araka ny fanazavana, raha ny tokony ho izy dia ireo tompon’andraikitra avy amin’ny fitsinjaram-pahefana, toy ny ditrika no tokony ho nametraka ity Ben’ny tanàna ity. Nihazohazo anefa ireto farany ka dia izao nohitsin’ny Ben’ny tanàna izao. Raha ny fahitan’ny mponina azy manko, dia karazan’ny natao fanahy iniana ihany ny tsy nahatongavan’ireo tompon’andraiki-panjakana ahafahana milaza fa misy fahabangana ny toeran’ny Ben’ny tanàna ka mora ny manatsofoka ny Pds efa nomanin’ny fitondrana. Na teo aza anefa izay paika izay dia ny an’ny Ben’ny tanàna no tonga aloha ka izao izy niditra tao amin’ny birao izao. Ny tolakandro dia efa nisy fihaonan’ny Ben’ny tanàna sy ireo lehibena sampandraharaha isan-tokony. Hatreto aloha dia tsy nisy fifandonana na koa fanoherana ny fidiran’ny Dr Hatimo Fiacre tao amin’ny biraony. Tsara ny mampahatsiahy fa anisan’ireo ben’ny tanàna avy amin’ny antoko Tiako I Madagasikara (TIM), antokon’ny fitondrana teo aloha ity Ben’ny tanànan’i Toliara renivohitra ity. Naaton’ny mpitondra FAT tamin’ny toerany nandritra ny telo volana izy farany teo ary kasain’ny FAT hosoloina.

Nangonin’i Soa