Politique

Toe-draharaha politika Nifoha indray ny CRN

Politique
Alarobia 07 Septambra 2016

Nifoha tamin�ny torimasony ny CRN na ny Komity ho an'ny fampihavanam-pirenena ka milaza ny hanatevin-daharana ny "Malagasy Mivondrona ho an'ny Fanorenana" (MMF).

Nambaran-dRandriamanantsoa Tabera, mpikambana sy mpitondra tenin’ny CRN fa tsy mahasoa ny firenena ny fitsabahan’ny Fianakaviambe iraisam-pirenena amin’ny raharaham-pirenena eto Madagasikara. Tsy maintsy miresaka sy mifampidinika ny Malagasy eo anatrehan'izao toe-draharaha izao sy mialoha ny fanapahan-kevitra raisina eto amin’ny firenena. Manomboka taitra ny antoko politika maro amin’izao fotoana izao. Voizina indray mantsy ankehitriny ny resaka fifampidinihana rehefa tsy dia nahomby ny fidinana an-dalambe. Raha ho tonga any amin’ny firosoana amin’ny fifampidinihana ny resaka dia mety hiafara amin’ny fizaran-tseza sy fiaraha-mitantana ka na dia ireo mpanao politika efa tsy re tsaika sy tsy reo feo tao anatin’ny fotoana lava aza dia manao tsy omby aloha sitrany ahay.

Toky R.