Politique

Voalohany amin’izany ny PDS ankehitriny, napetraky ny FAT, Rakotovao Mariot izay raha ny resaka mandeha hatreto dia ho kandidan’ny antokon’ny fitondrana, dia ny TGV. Eo koa i Mananjara Antonio James avy amin’ny Vital Fampandrosoana izay efa manana ekipa maromaro eo anivon’ny Kaominina. Dr Benessy Harisson Sébastien izay mpifanandrina mivantana amin’ny TGV noho izy voailika tao ka nanangana ny fikambanana azy manokana, ny FIMAMI. Rabariharison Seth Jacques (Setra) avy amin’ny Masters izay efa nandefa CV tamin’ny fametrahana ny PDS ihany koa fa tsy lany tamin’ny sivana farany. Efa Sekretera jeneralin’ny Kaominina tamin’ny andron’ny Ben’ny tanàna, Dr Rakotomanana Gervais izy. Mety hanolotra an’i Joel Patrick (Patou) ny Arema-Crn, anisan’ny nandefa Cv ihany koa nandritra ny fifantenana izay ho PDS fa tsy lany. Sekretera jeneralin’ny Kaominina ankehitriny izy raha lefitra faha-4 tamin’ny Ben’ny tanàna teo aloha. Re koa ny anaran-dRamoravelo Estache, izay efa kandida PDS ihany koa fa tsy lany tamin’ny sivana. Lefitra faharoan’ny Ben’ny tanàna Rakotomanana Gervais izy, saingy voailika noho ny politika. Mety hilatsaka amin’ny anaran’ny tenany manokana izy. Mandeha koa ny feo fa mety ho kandida hatolotry ny MTS, i Maso José Michel. Izy koa dia anisan’ireo kandida PDS natolotr’i Roland Ratsiraka saingy tsy lany tamin’ny sivana ka nasolo an’i Belahy Paul izay MTS ihany. Ny azy ireo indray dia ny tsy fahazakana ilay resy tamin’ny fifidianana natao ny taona 2007 no hiverenany ary mihevitra ny handrobaka ny toeran’ny Ben’ny tanànan’i Toamasina mihitsy amin’ity manaraka ity. Ny Ben’ny tanàna teo aloha Rakotomanana Gervais kosa raha nilaza mazava raha nanontaniana fa tsy hilatsaka izany ny tenany. Ny 02 novambra izao ny fanombohan’ny filatsahan-kofidiana ho an’ireo te ho Ben’ny tanàna ireo, ka ho hita eo hoe iza marina no efa vonona, iza kosa no mbola haka bahana aloha.

 

Rakoutou