Politique

TIM Atsimo Andrefana “1 er tour dia lany Ravalomanana”

Politique
Alakamisy 06 Jolay 2017

Nambaran’ny mpandrindra ny REG TIM any Atsimo Andrefana, Atoa Sazalahy Tsianihy fa manamafy ny tsy maintsy hahatanteraka ny 1 er Tour dia vita ny fifidianana hahalany ny filoha Ravalomanana amin’ny fifidianana ho filoham-pirenena hotanterahina amin’ny taona 2018.

Mila olona eken-tenin’ny mpamatsy vola mahazatra avy any ivelany ary mila fandriampahelemana sy fampandrosoana mirindra mantsy i Madagasikara. Ny filohan’ny antoko TIM Marc Ravalomanana irery ihany no afaka hanatanteraka an’ireo voalaza ireo. Feno ny fepetra ho an’ny TIM Atsimo Andrefana hampanjariana azy io amin’ny ara-dalàna satria efa voatsangana avokoa ireo DISTIM miisa 8 afa-tsy ny DISTIM faha-9, ao Ampanihy, izay hatsangana amin’ity faran’ny herinandro ity. I Menabe no nananganana DISTIM farany tamin’ny 10 febroary 2017 teo. Efa tafatsangana ihany koa ny COMTIM 26 amin’ny kaominina 30 misy ao Toliara faha-2 hiara-kisalahy amin’ny fanatanterahana ny tanjona. Mikasika ny hetsika fitakiana ny hanokafana ny MBS Tv sy Radio indray, dia manohana izany 100% izahay aty Atsimo Andrefana, hoy Atoa Sazalahy Tsianihy, satria mila misitraka ny haino aman-jery ahenoana vaovao maro loko sy marim-pototra.

Ntsoavina Evariste