Politique

Tiako i Madagasikara Tsy hanaiky ho gisitra

Politique
Alarobia 20 Jolay 2011

Vonona hifanandrina amin’izay mangetaheta azy amin’ny fanehoan-kevitra na fifidianana ny Tiako i Madagasikara ao Tolagnaro. Fantatra io tamin’ny resadresaka nataon’ny mpikambana ao amin’ity antoko naorin’Atoa Marc Ravalomanana ity tamin’ny mpanao gazety tao an-toerana. Nilaza izy ireo fa avelao handeha any izay tsy mahatanty ny mena miraviravin’ny FAT, fa izahay dia tsy mahafantatra afa tsy “Dada ary Dada hatrany”. “Miandry azy izahay, ary tsy maintsy ho avy izy na iza hanatsatso”. Mahakasika ny famahana ny krizy dia nanamafy ireto mpikambana Tiako I Madagasikara ao Tolagnaro ireto fa ny fiverenan’ny filoha Marc Ravalomanana ihany no hampiverina amin’ny laoniny ny filaminana sy ny fankatoavan’ny fianakaviambe iraisam-pirenena ny fitondrana malagasy fa tsy izao fitondran’olon-tokana mibaiko sy manao ampihimamba ny fitondrana izao.

Natiora OTH