Politique

Partagé sur :
• facebook

Rehefa tsy reo feo firy nandritra ny 7 taona dia niverina aeo amin’ny sehatry ny fanaovana politika indray Atoa Thierry Raveloson, PDS n’ny faritan’i Toliara teo aloha no sady zana-drahavain-Dramatoa Céline Ratsiraka ; mpikambana ao amin’ny kongresin’ny tetezamita ny tenany amin’izao fotoana ka ho fiarahabana azy dia nisy ny fitsenana makotrokotroka natao azy ny sabotsy 6 novambra lasa teo tao Toliara, tanàna niaviany sy naha-lehibe azy.

Fiarakodia no nandehanany avy aty Antananarivo nankany Toliara, ka teny  amin’ny faritry ny seranam-piaramanidina no nanomboka nitsena azy ireo vahoaka marobe, araka ny fitantaran’ireo nanatri-maso dia fiara aman-jatony no nitanjozotra taorian’ny fiara  nitondra an’i Thierry Raveloson. Nanao karazana carnaval namakivaky ny tanàna ny rehetra ary nifarana eny amin’ny bord de la mer izany. Teo no nikabaray, nilazany hafaliany no saynisaotra ireo vahoaka marobe nitsena azy ity zanak’i Toliara ity. Tamin’ny 6 ora hariva kosa dianisy ny fihaonan’I Thierry Raveloson tamin’ireo olobe sy ray amandreny miisa 120 , ka tao amin’ny hotely Le Palétuvier no nanatanterahana an’izany. Fifanakalozan-kevitra no natao tao ary dia afaka nilaza tsara ny hetahetany ieo nisolo tena ny vahoakan’i Toliara sy ireo foko rehetra monina any an-toerana amin’ny fanaovana ny fampihavanam-pirenena tena izy ho fandaminana ny firenena. Nanambara moa Atoa Thierry Raveloson fa hatomotra loatra ny datin’ny 20 desambra hanaovana ny fifidianana ben’ny tanàna ka tokony hahemotra. Niara-dia taminy foana moa tamin’izanyrehetra izany Atoa Joseph Ezechiel izay mpikambana Ao amin’ny kongresin’ny tetezamita ihany koa no sady zanak’i Toliara.

Tia Tanindrazana

Samia mijoro ho an'i Gasikara.