Politique

Tabera Randriamanantsoa �Bye bye� Rajoelina !

Politique
Alarobia 18 Aogositra 2010

�Na eny an-tsena, na aiza na aiza, dia efa tsy misy manaiky an-dRajoelina intsony�, hoy i Tabera Randriamanantsoa, avy amin�ny ankolafy Zafy Albert raha nikabary tao amin�ny Magro Behoririka izy omaly.

Nahitsy ny teniny : “lazao aminy fa izy dia efa bye bye. Tetsy andanin’izany, manoloana ireo mpamadika palitao dia nankahery ireo mpiara-mitolona ny tenany. Nambarany fa tsy maintsy mbola hiverina eto ny filoha Joaquim Chissano, lehiben’ny mpanelanelana. Momba ny fifanarahana politika natao sonia teny Ivato moa dia nambaran’i Tabera fa dia “sonia fanaovam-beloma an’i AndryRajoelina iny natao iny”. Momba izay teny Ivato izay ihany dia nambaran’ny vehivavy avy amin’ny ankolafy Ratsiraka fa ny Maputo ihany no “idealy”. Raha ny satan’i Maputo no ampiharina dia milamina ny tany, hoy ny vehivavy avy amin’ny ankolafy Ravalomanana. Nomena lanja manokana moa ireo vehivavy omaly. Hita teny avokoa ny solontenan’ny vehivavy avy amin’ny ankolafy Ratsiraka, Zafy ary Ravalomanana. Ho an’ny solontenan’ny firehana Zafy dia niaiky izy ireo fa efa tena miantraika amin’ny isan-tokantrano ny fahantrana noho ny krizy. Hizara amin’ireo vehivavy namana ny amin’ny hoe “tenierana” sy ny “tsy fifanilihana” koa izy ireo.

Nangonin’i Soa