Politique

Seranan-tsambon�i Toamasina Naato tampotampoka ny fanondranana entana

Politique
Alakamisy 15 Aprily 2010

Mafanafana indray ny toe-draharaha eo anivon�ny ladoany Toamasina amin�izao fotoana izao, indrindra hatramin�ny nandavan�ny �receveur�-n�ny ladoany hampihatra ny didim-pitsarana momba ireo kaontenera miisa 69 nahazo rariny tamin�ny fitsarana amin�ny fahazoana manondrana ny �bois de rose� tao anatiny.

Taorian’izany dia nivory maika nandinika ny asany ireo mpanara-maso eo anivon’ny ladoany Toamasina. Tapaka nandritra ny fihaonan’izy ireo fa “ireo entana aondrana rehetra na inona na inona, dia tsy maintsy sokafana sy savaina avokoa ary alaina sary hanamarinana ny ao anatiny”. Tsy miantoka izay fahatarana ny mpanara-maso ao amin’ny ladoany Toamasina, fa noraisina ny fepetra hisorohana ny fanondranana an-tsokosoko hazo sarobidy izay efa voararan’ny lalàna rahateo. Mitsangam-bolo ireo mpandraharaha mpanondrana entana eo anatrehan’izany, satria hitombo indray ny vola hivoaka amin’izy ireo. “Raha didy tsy maintsy arahina mba hanatsarana ny fanondranana entana sy hisorohana ny fivoahana an-tsokosoko hazo sarobidy sy ny harena Malagasy no antony dia tsy mampaninona fa efa zatra ny anaovana antsojay ny mpandraharaha ary tsy milavo lefona na miaina amin’ny fatiantoka aza mazàna”, hoy ireo mpandraharaha tafaresaka taminay mikasika izao fepetra vaovao vao noraisina omaly hariva izao.

Etsy an-danin’izany dia misy trakta aelin’izany zanak’i Toamasina tsy mataho-maso-mena, taranak’i Marosalohy izany koa ankehitriny ao Toamasina ao mamelabelatra ny zava-misy sy ny olona mahazo tombony amin’ny fampiasana ity ladoany malagasy ity. Notsiahivin’io taratasy io ny fitokonana nataon’ny mpiasan’ny ladoany Toamasina nitaky ny fanesorana ny «receveur»-n’ny ladoany ao Toamasina sy ny Tale jeneralin’ny ladoany. Tonga tao Toamasina mihitsy i Andry Nirina Rajoelina tamin’izay ary nampanantena fa hosoloina ireo olona ireo saingy tsy tanteraka izany mandraka akehitriny. Manome fe-petoana herinandro handraisan’ny tompon’andraikitra fanampahan-kevitra izy ireo. Dila izay dia mandrahona ny hanidy tanteraka ny seranan-tsambo ary hanakatona ny seranam-piaramanidina, ny mpandefa ny trakta.

Jean D.