Politique

Senatera Lylison Nalentik�i Honor� Rakotomanana

Politique
Alarobia 19 Oktobra 2016

Tsy afaka mandinika ny momba ny fepetra tokony horaisina mikasika ny fitsipika anatiny momba ny loholona Lylison Ren� de Rolland intsony izahay,

hoy ny filohan’ny antenimierandoholona, Rakotomanana Honoré, raha nitafa tamin’ny mpanao gazety nandritry ny lanonana fanokafana ny fandinihana ny tetibolam-panjakana sy ny fampihavanam-pirenena, tetsy Anosikely izy omaly. Manosihosy ny lalàmpanorenana izahay raha manao izany, hoy izy, satria efa nalatsaky ny avy eo anivon’ny fitsarana ny didy fampisamborana izay milaza fa tratra am-bodiomby ity loholona ity. Anjaran’ny fitsarana no mangataka ny analana ny antsoina hoe sata mifehy manokana ny mpanao lalàna na ny « immunité parlementaire » raha misy fihoaram-pefy ataon’ny mpanao lalàna iray. Tsy azo enjehina ihany koa ny mpanao lalàna raha tsy tratra am-bodiomby, araka ny andininy faha 37 ao amin’ny lalàmpanorenana. Izay, hoy ny filohan’ny antenimierandoholona, no fanapahan-kevitry ny fitsarana ka tsy afaka manohitra izay izahay.

Mirija