Politique

Sakoroka teny Ivato Zanak�i Dada maromaro nandefasana fiantsoana

Politique
Alakamisy 16 Jona 2011

Sakoroka nitranga teny amin’ny seranam-piaramanidina Ivato ny andron’ny alahady 05 jona, niaingan’ireo delegasiona avy amin’ireo vondrona politika miisa 11 nasain’ny SADC hihazo an’i Gaborone no nitarika ity fampiantsoana hatao famotorana ity. 25 olona, ka vehivavy zanak’i Dada ny ankamaroany, no nandefasana fiantsoana, izay manaitra ihany satria dia olon-tsotra, vehivavy, no mizara izany hatreny an-kianja. Araka ny loharanom-baovao dia ireo mpikambana nisintaka tao amin’ny Tiako I Madagasikara, no ao ambadik’ity fanenjehana azy 25 ireo ity, fa hoe nikasi-tanana teny Ivato teny tamin’io andro io. Ho an’ny mpandinika dia miaro mafy ny sezany ireo nivadika tamin-dRavalomanana ka mampihorohoro mba hanapotehana ny hetsika ao amin’ny Magro. Andrasana ny fivoaran’ny raharaha.

Nangonin’i Jean D.