Politique

Roland Ratsiraka Tsy matoky ny CENI

Politique
Zoma 02 Aprily 2010

Tsy nangarahara araka ny tokony ho izy ny fanendrena ireo mpikambana 16 farany teo ao amin’ny vaomieram-pirenena mahaleotena misahana ny fifidianana na CENI, araka ny fanambaran’i Roland Ratsiraka, raha nitafa tamin’ny mpanao gazety izy, nandritra ny kongresin’ny antoko MTS, izay izy rahateo no filoha nasinaliny, tao amin’ny lapan’ny kolontsaina sy ny fanatanjahantena Mahamasina, ny alarobia teo. Anisan’ireo mpanao politika tsy matoky fa mahaleo tena marina CENI i Roland Ratsiraka. Ny mety mahatonga izany araka ny fandinihan’ny mpanara-baovao politika azy dia satria misy amin’ireo mpikambana ao amin’ny CENI no mifankahazo sy mifanerasera be loatra amin’ny mpitondra ny tetezamita. Manampy izany moa dia ohatry ny nihazakazahana be izany ny nanaganaa ity vaomiera ity. Nambaran’i Roland Ratsiraka moa fa vonona ny handray anjara amin’ny fifidianana ny antoko tarihiny raha ankatoavin’ny fianakaviambe iraisam-pirenena ny fanaovana izany, ary raha azo antoka fa miasa an-kalalahana sy tena manana ny fahaleovantenany marina ny vaomieram-pirenena mahaleotena misahana ny fifidianana.

RTT