Politique

RN-44 Notenenina foana fa e e e

Politique
Alarobia 27 Oktobra 2010

Kabary miezinezina no nataon�i Andry Rajoelina tao Ambatondrazaka ny sabotsy 04 septambra nampanantena ny vahoakan�Alaotra fa hamboarina ny lalam-pirenena faha-44.

Nasainy nitsangana nanoloana ny olona tao amin’ny kianja Rasolonjatovo ary nanao fanambarana ny fotoana hanombohana ny asa mihitsy tamin’izay ny ministry ny asa vaventy, Razafimandimby Eric. Nambaran’ity farany fa afaka iray volana raha ela dia hatomboka ny asa. Samy manana ny iray volany io. Fa raha ny zava-misy dia na dian’angady iray aza tsy natao tamin’io lalam-pirenena nolazaina fa hamboarina io. Maina aza anefa izao ny andro, mijaly ny mampiasa iny lalana iny, indrindra ao Andaingo, mainka fa ho avy eo ny orana.

Raha nihazakazaka nametraka ny vatofehizoron’ny asa fanamboarana ny kianja Rasolonjatovo ho kianja sentetika ny ministry ny fanatanjahantena, Virapin Ramamonjisoa, ny sabotsy 09 oktobra 2010, dia niteny fa tsy tokony hanao izany izy ireo noho ny vanimpotoanan’ny fampielezan-kevitra saingy tsy afaka miandry, hoy izy, ny asa fampandrosoana. Eo no mampametra-panontaniana hoe rehefa kianja izany no atao dia mety fa rehefa lalana dia miato na dia nampanantenaina aza fa mbola anatin’ny fampielezan-kevitra ?

Jean D.