Politique

RCM - Vondron�ny olom-pirenena Tsotra Handentika ny firenena ny "r�f�rendum"

Politique
Zoma 29 Oktobra 2010

Misarika ny sain’ny vahoaka tsy ho rototra amin’izany resaka fitsapan-kevi-bahoaka na "référendum" ataon’ny fitondrana FAT amboletra amin’ny 17 novambra izany ny Vondron’ny olom-pirenena tsotra na ny RCM (Rassemblement des Citoyens Malagasy). Tsy volavolan-dalàmpanorenana niaraha-nidinika no aroso hofidian’ny vahoaka amin’izany, hoy izy ireo fa novolavolain’ny ankolafy tokana eo amin’ny fitondrana ankehitriny. Sady petatoko no tsy matotra io volavolan-dalàmpanorenana io ary tsy hahazo fankatoavana amin’ny eto an-toerana sy ny iraisam-pirenena velively.

Ny ho vokatr’izy io raha sanatria hihatra eto amin’ny firenena dia mbola vao mainka hampilentika ny vahoaka ao anatin’ny fahoriana lalina efa mahazo azy ankehitriny ary mbola handentika ny firenena any anaty hantsana lalina bebe kokoa. Ireo mpitondra FAT kosa anefa etsy an-kilany, higalabona amin’ny fananam-bahoaka eto Madagasikara. Ny tena mahamaika ny vahoaka malagasy izao, hoy ihany ny RCM dia ny hialana amin’ny fijaliana mafy mianjady aminy, toy ny tsy fandriampahalemana miseho lany manerana ny Nosy amin’ny alalan’ireny fanafihana mitam-piadiana ireny, ny vonoan’olona etsy sy eroa, ny tsy fananana asa noho ny fikatonan’ny orinasa maro... fa tsy izany "référendum" izany.

E.R