Politique

RCFVIEEM Mila fanavaozana tanteraka ny tontolo politika eto Madagasikara

Politique
Alakamisy 21 Jolay 2011

Mila havaozina tanteraka ny lalàmpanorenana, ny lalàm-pifidianana ary ny tontolon’ny politika eto amintsika, hoy ny profesora Johnson Jacky Thaïna, filohan’ny tambajotran’ireo hery velona, manampahaizana, ireo sangany taranak’i Madagasikara na ny RCFVIEEM. Tanjon’ity tambajotrana olom-pirenena ity ny hametraka rafitra vaovao manaraka ny etika sy ny lalàna ary ny deôntolôjia hifehy ny tontolon’ny politika sy sosialy eto amintsika. Milaza ho manana tondrozotra vaovao hamoahana an’i Madagasikara amin’izao krizy izao.

Diaspora malagasy no tena mpikambana eo anivon’ny RCFVIEEM. Mpampianatra lalàna, toekarena, fitantanam-bola ary matematika ny profesora Johnson Jacky Thaïna. Efa nirotsaka hofidiana ho filoham-pirenena ny tenany. Nambarany moa fa dia ireo tsy fahatomombanana marobe sy ireo mpitondra nifanesy no rangory fototry ny fahantran’ny vahoaka malagasy tato anatin’ny 50 taona.

Nangonin’i Soa