Politique

Razakarimanana Ferdinand Tsy mahay maka lesona ny tafika malagasy

Politique
Alakamisy 16 Jona 2011

Tsy nitsitsy fitenenana ny Jeneraly Razakarimanana Ferdinand manoloana ny fanambaran’ireo komandy miaramila, ny talata 14 jona teo. “Mbola manao politika foana ny tafika. Tsy mahay maka lesona tamin’ny fahadisoana teo aloha mihitsy ny foloalindahy fa dia mbola niditra tamin’ny raharaha politika ihany”, hoy ity jeneraly misotro ronono ity. “Ny fodian’ireo sesitany politika eto an-tanindrazana dia resaka politika madiodio ka tsy misy hidiran’ny foloalindahy”, hoy ihany izy. Nohamafisiny moa fa dia izany no naharatsy endrika ny foloalindahy Malagasy. Ankoatra izay dia notsipihan’ny Jeneraly Razakarimanana fa dia niditra tamina resaka politika indray ny tafika ary tsy vao tamin’ity tetezamita ity. Manahy ny tenany, araka izany, fa dia hanampy trotraka ny zava-misy eo anatrehan’ny fianakaviambe iraisam-pirenena izao fihetsika izao ary dia havesatra ny ho fiantraikan’izany, hoy ihany izy, tsy ho araka izay heverina na ireo mpanao politika na ny foloalindahy.

Nangonin’i Soa