Politique

Raveloson Constant �Tsy tampina ny daomy !�

Politique
Talata 23 Novambra 2010

Manoloana ireny zava-nitranga ny sabotsy lasa teo ireny izay nialan�ny saron-tavan�ny FAT, dia tsy vitsy ireo mametra-panontaniana ny amin�izay mety hoavin�ny hetsiky ny Ankolafy Telo amin�ny famerenana ny ara-dalana eto amin�ity firenena ity.

Tao anatin’ny iray andro mantsy dia sivily sy miaramila am-polony maro no indray naiditra am-ponja. “Tsy tampina anefa ny daomy”, hoy Raveloson Constant. “Nisy sokajina Malagasy, dia ireo foloalindahy, nanao izay zakany tao Ivato dia hatreo no tratrany. Zava-dehibe ny hoe tao daholo ireo manamboninahitra avy amina ankolafy politika samihafa. Izany hoe Foloalindahy tsy manavaka politika mihitsy no tofoka amin’i Andry ankehitriny”, hoy ihany ity mpitari-tolona avy amin’ny MFM ity, sady mpikambana eo anivon’ny ankolafy Ravalomanana. “Voatery nandefa ‘milisy’ manokana ivelan’ny fibaikoana ara-dalàna ny FAT. Fambara izany fa tsy avotra intsony izy ireo eo anivon’ny foloalindahy”, hoy ihany Raveloson Constant. Eo anatrehan’izany indrindra àry dia nambarany fa“ny tolon’ny sivily no hahavitana ny dingana farany”. Araka izany dia mitohy hatrany ny tolona ataon’ny Ankolafy Telo na dia eo aza ny fanagiazana ny kianjan’ny Magro etsy Behoririka ataon’ireo ‘mpitandro ny filaminana’, hoy izy.

Nangonin’i Soa