Politique

Raveloson Constant �To fo amin�ny miaramila ny vahoaka�

Politique
Alatsinainy 30 Aogositra 2010

Afaka tapa-bolana dia hiditra ny mpianatra eto amintsika. Ny zava-nisy anefa, hoy Raveloson Constant, dia nisy fotoana boky nilanja an-taonina no nodorana teny Avaradrano teny. Momba ny fitsarana ny raharaha 7 febroary indray dia nambarany fa tamin’ny ora fodian’ny mpamosavy no navoaka ny didy. Ny mpandoro trano, ny mpamono olona, ny mpangalatra hitam-poko sy hitam-pirenena kosa dia tsy maty manota avokoa. Izay no karazana fitsarana sy tafika misy eto Madagasikara. Izay miaramila manao ny asany eto amintsika, dia mieritrereta fa hohenjehina ianareo rahampitso. “Efa to fo amin’ny miaramila ny vahoaka ka tsara raha mihavana dieny izao. Izay manao ny marina na tsy manota aza dia voasazy”, hoy izy. Ankoatra izay, momba ny dinika teny Vontovorona dia nambaran-dRaveloson Constant fa “ny ady tsy vita teny Ivato no noresahana teny Vontovorona”, hoy ihany ity mpikatroka MFM ity. Ady amin’i Baroa no fanafody amin’izao zava-mitranga izao, hoy ihany Raveloson Constant.

Nangonin’i Soa