Politique

Ralison Roger Mila manana fomba fijery lavitra ny mpitondra

Politique
Talata 26 Jolay 2011

Mety hisedra olana isika ato ho ato noho ny faharatsian�ny voka-bary tamin�ny taom-pambolena farany teo.

Raha ny tarehimarika dia nitotongana ho amin’ny antsasany be izao sisa ny voka-bary any Alaotra. Ny tsy fahampian’ny rotsak’orana no anisan’ny antony maharatsy ny vokatra, araka ny vaovao. Manoloana izany dia heverin-dRalison Roger, mpahay toekarena sady mpikambana eo anivon’ny Filankevitra ambonin’ny tetezamita, fa tokony hametraka politika matotra dieny izao ny fanjakana sy ireo tompon’andraikitra hahazoana mijery izay mety ho vahaolana sy mba ho fitsinjo lavitra. Azo heverina, ohatra, hoy izy ny fanafaram-bary. Mila fantarina koa ny tahirim-bary ananantsika, amin’izay ho mora ny fitantanana azy sy hamantarana izay filana. Ankoatra izay dia nambaran-dRalison Roger fa tsy misy afa-tsy ny fanaraha-maso ny faktiora ihany no fomba hialana amin’ny risoriso, hamantarana ihany koa izay mpivarotra ara-dalàna na tsia. Tsy nitsitsy fitenenana moa ny tenany raha nilaza fa mila olona manana fijery lavitra sy manana traikefa ny fitantanana toekarena eto amintsika fa tsy ho lany andro hamono afo eto fotsiny.

Nangonin’i Soa