Politique

Rakotomanjato Rodin Basy atifi-kavana ny azy omaly

Politique
Zoma 24 Septambra 2010

Miverina an-kianja tsikelikely ao amin�ny Magro ireo mpitari-tolona avy amin�ny ankolafy telo rehefa tsy teo elaela. Anisan�ireny ny depioten�Arivonimamo, Rakotomanjato Rodin izay nilaza fa mbola nanadihady ny zava-misy no tsy nahateo azy.

Basy atifi-kavana ny azy omaly mikasika ireo resabe nandeha tato ho ato, toy ny fisisihan’ny FAT hanala ireo olom-boafidy. Mbola teny Ambohijatovo ny hetsiky ny TGV dia efa noventesina ny fanalana na ny filoha Ravalomanana, ny Parlemantera ary ny Ben’ny tanàna, hoy izy ka tsy atao mahagaga. “Izao ve ianareo vao hampirehatra afo”, hoy izy. Sao dia hanenenana ! Notohizany tamin’ny filazana fa aza maniry ny tsy misy, ho valin-kafatra amin’ny fitadiavan’ny FAT fomba rehetra tsy hiverenan’ny filoha Ravalomanana an-tanindrazana, toy ny namoahana didim-pitsarana hanao asa an-terivozona mandrapahafaty, ny tsy fanomezana famotsoran-keloka. Teny tamim-pahatokiana sy feno fanantenana no nilazan’ny depiote Rodin fa ny filoha Marc Ravalomanana sy ny amiraly Ratsiraka dia tsy maintsy hody. Mbola nampiany fa efa miomana amin’ny fitsenana azy ireo ny any ambanivohitra ka amin’io andro io dia hiakatra eto hatramin’ny sarety, hoy izy. Ho avy koa ny vahoaka amin’ny kaonferansa nasionaly hokarakarain’ny CNOSC, tsy maninona raha hatao Ankolafy 5 na 6 na 7.

Jean D.