Politique

Rakotomanjato Rodin �Aleo ahena ny fety fa tsinjovina ireo tsy an�asa !�

Politique
Talata 22 Jona 2010

Ao anatin’ny fanomanana ny 26 jona isika amin’izao. Hiavaka ity indray mitoraka ity satria feno 50 taona ny nahazoan’i Madagasikara ny fahaleovantena. Ho an’ny FAT dia nambara fa hiavaka ny fankalazana ary ny faritra sy distrika tsirairay dia hisy afomanga. 10 tapitrisa ariary, araka ny vaovao no omena hanaovana izany fety izany. Ho an’Arivonimamo manokana dia tsy mbola nahazo, izany lelavola izany, araka ny fanazavan’ny depiote voafidy tany an-toerana, Rakotomanjato Rodin. Momba izay famafazana vola izay moa dia notsipihin’ity olom-boafidy ity fa tokony hijery ireo very asa ny FAT toy izay handany vola amin’ny fanafarana mpihira vahiny. “Aleo ahena ny fety fa tsinjovina ireo tsy an’asa”, hoy izy. Etsy an-danin’izany, dia nokianin’ity solombavambahoaka ity ihany koa ny nilazan’ny FAT fa handray andraikitra manoloana ny zava-manjo ireo mpiasa malagasy any Liban. Hatramin’izao anefa, hoy izy, dia sanatria toa faty foana sisa no miverina avy any. Toa very anjavony ihany koa izany.

Soa