Politique

Rajoelina tany Afrika Mazava izao fa tsy nahomby ilay �lobbying�

Politique
Alakamisy 16 Jona 2011

Ny fanapahan-kevitry ny SADC nivoaka taorian’ny fivorian’ireo filoham-pirenena sy solontenam-panjakana nivory tatsy Sandton Afrika Atsimo ny 11 sy 12 jona 2011 andaniny, ny fihetsika sy fanehoan-kevitr’i Andry Rajoelina sy ny Fahefana avon’ny tetezamita tarihiny mikasika azy iny, ankilany dia maneho mazava fa tsy nahomby araka ny laza masaka natao teto an-toerana ny fandresen-dahatra nataon’i Andry Rajoelina ireo filoham-pirenena sy tompon’andraiki-panjakana tamin’ireo firenena nalehany tany afrika tany. Nihazo an’i Zambia, Mozambika, Namibia ary Angola izy teo anelanelan’ny volana aprily sy mey 2011 ary tamin’ny teny feno fanantenana no nilazan’ny filohan’ny Fahefana avon’ny tetezamita isaky ny tafaverina teto izy fa mazava amin’ireo mpitondra afrikanina, eo anivon’ny SADC, izay nihaonany ankehitriny ny tena zava-misy marina eto Madagasikara fa lainga avokoa ny resaka naelin’ny sasany taloha. Nitarika delegasiona, nifarimbona tamin’i Andry Rajoelina nanao io fandresen-dahatra io koa ny jeneraly Camille Vital, fa dia ireny no vokany. Tsy nahomby !

Jean D.