Politique

Rajaonah Andrianjaka �Tsy misy firaharahaina ny hamahana ny olam-bahoaka�

Politique
Alatsinainy 03 Mey 2010

Miteraka resabe ny fahataran’ny fandoavana ny vatsim-pianaran’ny mpianatra eny amin’ny ambaratonga ambony. Raha ny feo re etsy eroa dia resa-bola no antony. Nanao fanamarihana anefa ny Otrikafo tarihin-dRajaonah Andrianjaka fa «lainga ny filazana ho tsy manam-bola, satria dia tena manam-bola nolaniana ary holaniana ny Fanjakana, saingy dia lanilaniana amin’ny tsy antony”. Noraisin’ny Otrikafo ho ohatra tamin’izany ny volabe raisin’ny mpikambana ao amin’ny Fahefana Avon’ny Tetezamita tsirairay avy isam-bolan, mitentina 17.190.000 Ar (85.950.000 Fmg araka ny didim-panjakana laharana 2009 – 578. Ankoatra izany ny fandaniana tamin’ny dia tany Maputo (I, II), sy Addis-Abeda ary izao Pretoria izao (olona maro be no miaraka aminy amin’izany). Hentitra ny Otrikafo nilaza fa “tsy misy firaharahaina ny hanamaivana na ny hamahana ny olam-bahoaka malagasy amam-piarahamonina mihitsy ataon’ny Fitondrana ankehitriny”. Tsy nolaniana amin’ny fiainam-bahoaka ary ny mpianatra izany volabe rehetra izany, fa dia nariana tamin’ny ady seza sy ny fanatanterahana ny baikom-bazaha. Mila jerena akaiky ny fitakian’ny mpianatra, hoy ry Rajaonah Andrianjaka, satria ireo no hitantana ny tany sy ny Fanjakana rahampitso.

Nangonin’i Jean D.