Politique

Raharaha �Fort Duchesne� Ny hevitry ny olona

Politique
Zoma 12 Martsa 2010

Na lazaina aza fa iray tsy mivaky ny tafika na koa ny zandary dia hita sy taratra tamin�ity herinandro ity fa tsy milamina ny eo anivon�ireo zandary, ireo mpitandro ny filaminana. Androany miala, rahampitso miverina, poa-basy, barazy, zavatra iainan�ireo mpitandro ny filaminana izany. Ny hevitr�ireo Parlemantera sendra anay

Randrianjatovo Henri : Voaporofo izao fa mitombina ny fametrahana ny tolona eo anatrehan’Andriamanitra. Miseho lany ny ady an-trano eo amin’ireo samy mpanongam-panjakana. Mbola hitranga ny zavatra hafa miafina mety mbola hivoaka.

Razafindrakoto Harifanja : miha mitroatra ny vahoaka Malagasy, korontana no hita na any amin’ny fampianarana na fitsaboana, dia izao koa ny zandary. Ny vadin’ireo olona ireo tokony handresy lahatra azy ireo hanaiky ny marimaritra iraisana.

Serge Ratovondrainy : mariky ny tsy fahaiza-mitantana. Nampitomboina ny karaman’ny miaramila sasany dia tsy voafehy. Didy jadona, toy ny famindran-toerana no mahazo izay tsy mitovy hevitra amin’ny FAT. Misy tsindry hazo lena ao. Taratry ny ho avy dia ny vola sy ny hery na basy ananan’ny mpanongam-panjakana ireny

Zafilahy Stanislas : zavatra efa ela nikotrika tao ireny ary tsy vitan’ny hoe resa-bola. Pitik’afo ihany fa ny zavatra marina dia te hametraka izay nifanarahana ireo zandary hoe tsy manao politika ny foloalindahy, tsy hampifangaro ny fampiandaniana izay lasa mibaiko satria ho azy ireo dia ny Tanindrazana sy ny lalàna no mibaiko. Fitaratry ny fiainan’ny fianakavian’ny mpitandro ny filaminana ireny.

Nangonin’i Soa