Politique

Raharaha Ezekiela Hanamaloka ny fifandraisan�ny andrim-panjakana

Politique
Alakamisy 14 Jolay 2011

Nitondra ny heviny mikasika ilay raharaha «bois de rose» mahavoarohirohy mpikambana iray ao amin’ny Kongresin’ny tetezamita, ny filohan’ity andrim-panjakana ity, Raharinaivo Andrianatoandro. Nambarany fa tsy hisalovana na hitsabaka amin’ny asan’ny Fitsarana ny tenany mikasika io raharaha io, saingy nanisy fanamarihana fa tsy voahaja ny andininy faha-7 amin’ny didy hitsivolana 2010-010 tamin’ny 10 oktobra 2010 manangana ny Kongresin’ny tetezamita, izay manipika ny tokony hisian’ny fifanajana eo amin’ny fifandraisan’ny andrim-panjakana amina toe-javatra toy izao. Aminy, araka io andininy io, dia tokony ho nampahafantarina ny birao maharitry ny Kongresy raha misy mpikambana ao aminy mifaningotra amina raharaha manokana. Tsy fiarovana tsimatimanota, fa kosa maha sarotiny amin’ny maha Parlemantera, hoy Raharinaivo. Izay, araka ny fanazavany, no nandefasan’ny taratasy fangataham-panazavana any amin’ny Bianco sy ny Fitsarana avo momba ny lalàmpanorenana, hampazava ny fitsipi-dalao. Mety hanamaloka ny fifandraisan’ny samy andrim-panjakana, araka izany, ity raharaha ity.

Nangonin’i Jean D.