Politique

Raharaha BANI Nanampy tosika ny RFI

Politique
Zoma 19 Novambra 2010

Omaly vao tena fantatra ary niseho fa anisan’ireo manampy ny hetsik’ireo manamboninahitra ny avy amin’ny RFI. Ny komanda Roger Luc mihitsy moa no hita tamin’izany manao ny seraseran’ireto manamboninahitra ireto. Ny fiarany no mitondra ireo mpanao gazety mifanerasera amin’ireo ao anatin’ny toby. Nahazo ny tsodranon’ny lehibeny ny komandà Roger Luc raha ny fantatra. Tsy izy ireo ihany anefa ao ihany koa ny lehibe mpitarika ao amin’ny toby BANI. «Tsy mipetrapetra-potsiny ato izahay raha toa ka tsy nahazo tsodrano tamin’ny tompon-trano», hoy ny iray tamin’ireo kolonely ao anatin’ny Komity Miaramila ho an’ny Fanavotam-pirenena. Miha mivoatra ity hetsika ity raha izao fijery azy izao. Ho hita eo ny tohiny. Omaly dia nisy ny fanambarana nataon’izy ireo, milaza fa fanombohan’ny fampihavanam-pirenena no ataon’ny foloalindahy. Niara-nanao sonia izany ny jeneraly Rakotonandrasana Noel sy ny kolonely isany Ravoavahy, Toto Vincent, Coutiti ary ny lietnà kolonely Charles Andrianasoavina.

r.d