Politique

Raharaha BANI Mandeha ny feo ny amin�ny fizarana vola

Politique
Alatsinainy 22 Novambra 2010

Mahoraka be hatry ny sabotsy teo ny resa-bola tao ambadik'iny fisamborana ireo manamboninahitra teny Ivato iny. Fisamborana izay natao am-pitaka raha ny fahitana azy, ary tao anatin'ny indray mitselatra koa dia vita. Nifanaraka mantsy ireo manamboninahitra tao amin'ny BANI sy ny CEMGAM fa hiresaka ary samy tsy hisy hitondra basy. Ao amin'ny trano fandraisam-bahiny iray ao an-toerana no nanaovana izany. Fotoana vitsy taorian'ny fifampiresahana anefa dia voahodidina miaramila io toerana io. Nisy ny tifi-danitra nentina nampihorohoroana ireo tao anaty trano. Voatery nilavo lefona ireo manamboninahitra satria efa tsy nisy fitaovam-piadiana intsony teny amin'izy ireo. Avy hatrany dia nalefa eny Tsiafahy ny enina tamin'ireo manamboninahitra ireo. Ny ambiny kosa mbola nataon'ny zandary famotorana.

r.d