Politique

Partagé sur :
• facebook

Nekena ny fanemorana izay nangatahin’ny mpisolovava rehetra ireo olona izay voarohirohy tamin’ny raharaha 7 febroary. Raha araka ny nambaran’ny filohan’ny fitsarana ady heloka bevava tsotra dia amin’ny fotoam-pitsarana manaraka no hamerenana ity dosie ity.

Tsy namoaka daty izy tamin’izay saingy raha ny fotoam-pitsarana manaraka kosa no raisina ara-bakiteny dia nanomboka omaly indray izany taorian’ny fety. Tsy nandeha omaly io fotoana io izay marobe ny miandry azy. Ankoatra izay, olona liana ny hanaraka ny fivoarany, izay saika ny Malagasy iray manontolo satria miankina amin’io ihany koa amin’ny lafiny iray ny raharaham-pirenena, dia mbola marobe koa ireo olona voarohirohy (19), ny mpitory (137) ary koa ny vavolombelona (49). Tamin’ny 23 jona teo dia efa nisy ny fihorakorahana eran’ny trano fitsarana rehefa nandeha ny taim-bava teo amin’ireo olona tsy mitovy hevitra izay nanatrika. Nitohy taty ivelany ihany koa izany nandritra ny fivoahan’ny Jeneraly Charles Rabemananjara, praiministra teo aloha, izay saika haneho hevitra teo anoloan’ny mpanao gazety. Handeha amin’ity herinandro ity ve sa kosa hanaraka bebe kokoa ny andininy ao amin’ny «code de procédure pénale» ny fitsarana ka farafaharatsiny hanome valo andro mba hahafahan’ny mpisolovava mandinika tsara ny «acte d’accusation» izay hahafahany mandalina bebe kokoa ny hevitra hiarovana ny olony. Ho hita eo ihany amin’ity herinandro ity ny fivoaran’ny raharaha. 

Tia Tanindrazana

Samia mijoro ho an'i Gasikara.